Футбол мутахассиси Славен Билич Ўзбекистонда ўз фаолиятини давом эттириши мумкин. Хорватиялик мутахассис “Пахтакор” билан музокара олиб бораётгани айтилмоқда.
Билич 16 декабрь куни Англиянинг “Вест Бромвич” жамоасида бош мураббийликдан бўшатилган эди. Мутахассис жамоанинг қониқарсиз натижалари сабаб ишдан олинган.
Биличнинг “Вест Бромвич”даги омадсиз мавсумига қарамай Тошкент жамоаси раҳбарияти уни бош мураббийликка олиб келмоқчи. “Пахтакор” Билич билан Осиё Чемпионлар лигаси кубогини қўлга киритишга ишонмоқда. Қатор ОАВда мутахассиснинг “Пахтакор”даги маоши йилига таҳминан 1,5 млн еврони ташкил этиши айтилмоқда.
