Россиянинг “Азимут” авиакомпаниясининг 7-май куни Москвадан Бухорога учаётган А49063 рейси техник сабабларга кўра Внуково аеропортига қўнишга мажбур бўлди.
Авиация хизматининг “ТАСС”га хабар беришича, улар датчикдан самолётнинг қўниш мосламаси ёпилмагани ҳақида сигнал олган. Самолёт аэропорт атрофида икки соатча учиб юрди ва қўна олмади. 100 нафар йўловчиси бўлган самолёт иккинчи уринишдагина Внуково аэропортига қўнди.
Flightradar маълумотларига кўра, Sukhoi Superjet 100 самолётида амалга оширилган парвоз Москва вақти билан 20:00 да учиб, аэропортга 22:21 да қўнган. Ҳаммаси бўлиб 2665 километр масофани босиб ўтди. Йўловчилар авиакомпаниянинг захира самолётида Бухорога етказилди.
