Қозоғистон пойтахтида барча давлат ва хусусий боғчалар яна ёпилади. Бу ҳақда Нур-Султон шаҳри ҳокимлиги хабар қилди.
Маълум қилинишича, шу йил 23 июнь санасидан эпидемиологик вазият ва тарбиячиларда коронавирус аниқланаётганлиги боис барча давлат ва хусусий боғчалар ёпилади.
Шаҳарда болаларни уйда қолдириб, уларга қарайдиганлар бўлмаса, ота-оналарнинг бири масофавий иш режимига ўтиши тавсия қилинди.
Ҳокимликнинг хабар қилишича, боғчалар қайта очилгандан сўнг 20 фоиз тарбияланувчилар боғчага қайтган. Уларнинг фаолияти шаҳардаги эпидемиологик вазиятдан келиб чиқиб қайта тикланиши маълум қилинди.
