Мақолада 500 кв.м. майдонга эга пентхаус ҳақида сўз боради. Ушбу мулк Radisson меҳмонхонаси ҳудудида жойлашган. Квартира Москвадаги машҳур жойлардан бирида экани айтилмоқда.
Таъкидланишича, квартира Ислом Каримовнинг қариндошларининг бири томонидан сотиб олинган. Лекин, сотиб олувчининг шахсига аниқлик киритилмаган. Сотиб олган шахс яқинда квартирани 1,6 млрд рублга сотувга қўйган. Мулк нафақат сотувга қўйилган, балки у ойига 3 млн рублга ижарага ҳам берилади.
Квартира интерьери табиий материаллардан қилинган. Бундан ташқари, бинода Италия мрамори, оникс, табиий дарахтдан фойдаланилган. Мебеллар Roberto Cavalli ва Versace’дан олиб келинган. Квартира деразасидан Москва денгизи ва ишбилармонлик маркази кўринади. Таъкидлаш жоиз, мулк бинодаги бир нечта қаватни эгаллаб олган. Апрелда ушбу квартира Москвадаги энг қиммат пентхауслар орасида иккинчи ўринни эгаллади.
