“Агробанк” “Бир маҳалла - бир маҳсулот” тамойили асосида имтиёзли кредитлар ажратмоқда

18-06-2019, 12:29
Иқтисодиёт
“Агробанк” “Бир маҳалла - бир маҳсулот” тамойили асосида имтиёзли кредитлар ажратмоқда
Банк жорий йилнинг ўтган даврида тадбиркорлик субъектларини молиявий қўллаб-қувватлаш мақсадида 1405 миллиард сўмлик кредит ва 695 миллиард сўмлик микрокредитлар берилди. Бу ҳақида “Агробанк”нинг кичик бизнес ва хусусий тадбиркорликни ривожлантириш ҳамда аҳолини тадбиркорликка кенг жалб қилиш борасида амалга оширилаётган ишлар мавзусига бағишлаб ўтказилган брифингда маълум қилинди.
Аёллар тадбиркорлигини ривожлантириш ва молиявий қўллаб-қувватлаш мақсадида 75 миллиард сўмлик кредит маблағи йўналтирилган. Хизмат кўрсатиш ва сервис соҳасини ривожлантириш, айниқса қишлоқ жойларда замонавий хизмат кўрсатиш объектларини барпо қилиш мақсадида 1268 та мижознинг мурожаати ижобий ҳал этилди.

Оилавий тадбиркорликни қўллаб-қувватлаш борасида 1017 та кичик бизнес субъектларининг 22 миллиард сўмлик лойиҳалари молиялаштирилди. Шунингдек, банк ҳунармандчиликни ривожлантириш мақсадида 69 миллиард сўмга яқин кредитлар ажратилди.

Ҳар бир маҳалла, ҳудуднинг ихтисослашуви, аҳолининг деҳқончилик ва тадбиркорлик анъаналарини инобатга олган ҳолда “Бир маҳалла - бир маҳсулот” тамойили асосида имтиёзли кредитлар ажратилмоқда. Аҳолини тадбиркорликка кенг жалб қилиш мақсадида банкка бириктирилган 2342 та маҳалла фуқаролар йиғинларидаги 1 миллион 555 мингта хонадон қамраб олинди.

Брифингда маълум қилишларича, 2018–2019 йилларда Агробанк филиаллари “Ҳар бир оила - тадбиркор” дастури доирасида 66 мингдан зиёд оилага 1 181 миллиард сўмлик кредит берган. Жумладан, асаларичилик, балиқчилик, боғдорчилик, иссиқхона, чорвачилик, қуёнчилик, паррандачилик, тикувчилик йўналишлари ривожи учун.

Ўзбекистон Республикаси Президентининг 2018 йил 14 июлдаги “Аҳоли бандлигини таъминлаш борасидаги ишларни такомиллаштириш ва самарадорлигини ошириш чора-тадбирлари тўғрисида”ги қарорига кўра, бандликка кўмаклашиш жамғармаси ва маҳаллий ҳокимликлар ҳузуридаги жамғармалар ҳисобидан 68 миллиард сўмлик кредит маблағлари ажратилди.
“Агробанк” “Бир маҳалла - бир маҳсулот” тамойили асосида имтиёзли кредитлар ажратмоқда

Бу борадаги амалий ишларда кенг омманинг хабардорлигини ошириш мақсадида банкнинг расмий веб-сайти орқали оилавий тадбиркорлик ва ҳунармандчиликни ривожлантириш ва ёш тадбиркорларни ўз бизнесини очишга кўмаклашиш мақсадида тадбиркорлик субъектларига яратилган имтиёзлар тўғрисида батафсил маълумотлар берилиб келинмоқда.

Тадбирда “Агробанк” иқтисодиётининг турли тармоқларини янада тараққий эттириш, аҳолини тадбиркорликка жалб этиш ва уларнинг бизнес лойиҳаларини молиявий қўллаб-қувватлаш, шунингдек, банк хизматларини янада ривожлантириш йўлида бундан кейин ҳам кенг кўламли саъй-ҳаракатларни олиб боришини маълум қилди.

ЎзА
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

«Ўзбекистонда ҳали коронавирус тарқалишининг биринчи тўлқини давом этмоқда» – Отабеков

Бугун Нурмат Отабеков иштирирокида брифинг бўлиб ўтди. Унда бош санитар врач фуқаролар томонидан берилган саволларга...
Бугун, 16:23

Карантиндаги фуқаролардан телефон олиб қўйилишининг сабаби тушунтирилди

Бугун бўлиб ўтган брифингда Коронавирусга қарши штаб аъзоси Ҳабибулла Оқилов карантиндаги фуқаролардан телефон олиб...
Бугун, 15:38
/ Муҳокамалар +1

Уй шароитида даволанаётганлар қандай дори воситаларини қабул қилиши керак?

Бугун Коронавирусга қарши кураш штаби аъзоси Ҳабибулла Оқилов иштирокида брифинг бўлиб ўтди. Унда Оқилов фуқаролар...
Бугун, 15:26
/ Муҳокамалар +1

Алишер Саъдуллаев Президент маслаҳатчисининг биринчи ўринбосари лавозимидан озод этилди

Алишер Саъдуллаев Президент маслаҳатчисининг биринчи ўринбосари лавозимидан озод этилди. Бу ҳақда Ҳуқуқий ахборот...
Бугун, 14:49

Бухорода ўқитувчи ашёвий далиллар билан жиноят устида қўлга олинди

Бухорода ўқитувчи ашёвий далиллар билан жиноят устида қўлга олинди. Бу ҳақда Бош прокуратура ахборотига таянган ҳолда...
Бугун, 12:41
/ Муҳокамалар +1