“Ўзбекнефтгаз” АЖ муаммоларини ҳал қилишимиз учун газ нархини икки баравар оширишимиз керак – Баҳодиржон Сидиқов

“Ўзбекнефтгаз” АЖ муаммоларини ҳал қилишимиз учун газ нархини икки баравар оширишимиз керак – Баҳодиржон Сидиқов
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида Энергетика вазирлиги, “Ўзбекнефтгаз” АЖ, “Ўзтрансгаз” АЖ раҳбар ходимлари иштирокида матбуот анжумани бўлиб ўтди. Бу ҳақда ЎзА хабар қилди.

Унда мутахассислар Президентимизнинг 2019 йил 9 июлдаги “Аҳоли ва иқтисодиётни энергия ресурслари билан барқарор таъминлаш, нефть-газ тармоғини молиявий соғломлаштириш ва унинг бошқарув тизимини такомиллаштириш чора-тадбирлари тўғрисида”ги қарори моҳияти ва ижроси юзасидан маълумот берди.

Мутахассисларнинг маълум қилишича, 2018 йил 13 миллиард куб метр газ экспорт қилинган. Бугунги кунда Ўзбекистонда йилига 61 миллиард куб метр газ қазиб олинади. Шундан 35-40 миллиард куб метрини “Ўзбекнефтгаз” АЖ қазиб олади. Истеъмолчиларга 35 миллиард куб метр газ етказиб берилмоқда. Республиканинг ички истеъмоли эса 39-40 миллиард куб метрни ташкил этади. Қарорга кўра, табиий газни қазиб олиш ҳажмини кейинги йил 41 миллиард куб метрга, 2024 йилда эса 42,3 миллиард куб метрга олиб чиқиш режалаштирилган.

– Ўзбекистон Республикаси Тикланиш ва тараққиёт жамғармасидан 2 миллиард доллар атрофида қарзимиз бор, – деди “Ўзбекнефтгаз” АЖ бошқаруви раиси Баҳодиржон Сидиқов. – Ушбу кредитни ўз вақтида тўлаб боряпмиз. “Ўзбекнефтгаз” АЖ 2017-2018 йиллар зарар билан чиқди. Агарда бу йил соҳада катта ислоҳотлар бўлмаганида акциядорлик жамияти яна молиявий зарар кўрарди. Бугунги кундаги “Ўзбекнефтгаз” АЖ муаммоларини ҳал қилишимиз учун газ нархини икки баравар оширишимиз керак. Шундагина муаммолар ижобий ҳал этилади. Бу таклифни муҳтарам Президентимизга олиб кирдик. Қаттиқ танбеҳ эшитдик. Эндиликда ўз имкониятимиздан келиб чиқиб, юқоридаги муаммолардан қутилиш йўлини излаяпмиз. Бунинг учун давлат томонидан бизга катта ёрдам берилмоқда. Мавжуд муаммонинг 20 фоизини тарифлар оширилиши орқали, қолган 80 фоизини давлатнинг молиявий ёрдами орқали ҳал қиладиган бўлдик. Ишлаб чиқилаётган тарифларда катта ўзгаришлар бўлмайди. Бу инфляция даражасида бўлади.

Ўхшаш янгиликлар

  1. Баходир 12 июл 2019 19:11
    Газ нархини икки баравар ошириш билан муаммо ҳал этиб бўлмайди. Бугунги кундаги “Ўзбекнефтгаз” АЖ муаммоларини ҳал қилиш Газ нархини икки баравар ошириш билан эмас, балки “Ўзбекнефтгаз” АЖ пораҳўрликни йўқотиш билан ҳал қилиш керак. “Ўзбекнефтгаз” нинг қуйи сохалари пораҳўрлик ботқоғига ботиб бўлган. Агар жиноий иш қўзғатилиб яхшилаб текширилса раҳбарларнинг 50% қамалади.
  2. Наргис 12 июл 2019 15:54
    Оддий халкни улдирворларинг
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Иқтисодиёт » “Ўзбекнефтгаз” АЖ муаммоларини ҳал қилишимиз учун газ нархини икки баравар оширишимиз керак – Баҳодиржон Сидиқов