Давлат статистика қўмитаси январь-июль ойларида йирик саноат корхоналари томонидан айрим турдаги саноат маҳсулотларини ишлаб чиқариш ҳажми ҳақида маълумот берди.
Хусусан, енгил автомобиллар ишлаб чиқариш ҳажми 49,6 фоизга ошган. 2018 йилнинг шу даврида 98 700 дона енгил автомобиль ишлаб чиқарилган бўлса, 2019 йилда - 147 650.
Юк автомобилларини ишлаб чиқариш эса 55,1 фоизга ортди. 2018 йилда - 1 925 дона, 2019 йилда - 2 985.
Автобуслар ишлаб чиқариш ҳажмида ҳам ўсиш кузатилди - 3,6 фоиз пункти (2018 йилда 303 дона, 2019 йилда 1 095 дона).
Автомобиль двигателларини ишлаб чиқариш 62,4 фоизга ошди. 2018 йилда 70 534 дона двигатель чиқарилган бўлса, 2019 йилда - 114 561.
Шунингдек, Давлат статистика қўмитаси хабарига кўра, республикада автомобиль бензини ишлаб чиқариш ҳажми камайди - 0,6 фоизга. 2018 йилнинг шу даврида 657,1 минг тонна бензин ишлаб чиқарилган бўлса, 2019 йилда - 595,1 минг тонна.
Дизель ёқилғисини ишлаб чиқариш ҳажмида ҳам пасайиш кузатилди - 6,3 фоиз. 2018 йилда 650,6 минг тонна дизель ишлаб чиқарилган бўлса, 2018 йилда 626,4 минг тонна.
Портландцемент ҳажмида ўсиш кузатилди - 17,6 фоиз (2018 йилнинг шу даврида 4590,7 минг тонна, 2019 йилда - 5399,5).
Бундан ташқари, Ўзбекистонда тракторлар ишлаб чиқариш ҳажми 33,1 фоизга камайди. 2018 йилнинг шу даврида - 2406 дона, 2019 йилда - 797.
