Актам Хаитов: «Унутмаслик керак, кўплаб фуқароларимиз ўз жамғармасини долларда сақлайди»

16-10-2019, 12:09
Иқтисодиёт
Актам Хаитов: «Унутмаслик керак, кўплаб фуқароларимиз ўз жамғармасини долларда сақлайди»
ЎзЛиДеП раиси Актам Хаитов "Адолат" партияси депутати томонидан билдирилган фикрга муносабат билдирди. Депутат ўзаро савдода доллардан воз кечишга чақирган эди. ЎзЛиДеП раҳбари ўзининг фейсбукдаги саҳифасида қуйидагича пост қолдирди.

"Айрим ижтимоий тармоқларда ҳозирги кунда доллардан воз кечиш вақти келди деган баёнотга муносабат.

Ўзбек сўми муомалага киритилган даврдан бўён ўтган 25 йил давомида сўмнинг барқарор эмаслигини ҳамма кўриб турибди. Унутмаслик керак кўплаб фуқароларимиз ўз жамғармасини долларда сақлайди.

Экспертларнинг фикрича, ҳозирги шароитда доллардан воз кечишдан ҳеч қандай наф кўрилмайди. Бундай ишга қўл уриш ўз халқига қийинчилик туғдириш, содда қилиб айтганда ақлсизликдан бошқа нарса эмас.

Ҳозирги вақтда доллардан воз кечиш дегани Ўзбекистон фуқароларининг барча доллар ҳисоб рақамларини ёпиб, сўмга, евро ёки бошқа валютага ўтказишларини билдиради. Бу қора бозорни янаям кучайтиради.

Валютани чеклаш билан боғлиқ аччиқ амалиётни кўрдик. Валюта конвертацияси даври - коррупция учун қулай шароит бўлгани ёддан чиқмаган бўлса керак. Аксинча валюта бозорини либераллаштириш, бозор механизмларини жорий қилиш иқтисодиётимизда реал ўзгаришларга олиб келаяпти.

Шунинг учун доллардан ҳозирги шароитда бутунлай воз кечиш ҳақидаги айрим партия вакиллари томонидан билдирилган фикрларни халқимиз жиддий қабул қилмайди деган умиддамиз.

Яна бир гап. Иқтисодиёт ўсишини ҳар томонлама рағбатлантириш зарур. Шунда аҳоли доллардан аста секин воз кечади. Ишлаб чиқариш ва савдо жадал суръатларда ўса бошлаган вақтда халқ ўз пулини келажаги бор лойиҳаларга тика бошлайди. Шунда халқнинг қўлидаги валюта заҳираларини сўмга ўтказиб қисқартирса бўлади. Қулай муҳит яратилганда, ўсиб бораётган пул массаси иқтисодиётни қамраб олиб, сўм барқарор бўлади", - дейди Хаитов.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Ильхом 16 октябр 2019 13:42
Кушиламан юкорида айтилган гапларга
Фарход 16 октябр 2019 15:35
Тугри фикр
Ражаббой 16 октябр 2019 17:12
Туппа тўғри, жуда ажойиб фикр юритилган.
Ман 17 октябр 2019 10:30
Партия билан партия ни фикрлашини Урганиб туриб Либерал демократии партия ни баралла Тан оламиз ва куллаб кувватлаймиз
Х.т.х 20 октябр 2019 15:26
Тугри,банкка сум куйсангиз ун йилдан сунг у бамисоли хазон булади.заём олдик бир сигирни пулига бир икки йил аввал кайтарамиз олиб келинглар деди , 91 йилги заёмни борсам ун минга якин пул бераркан. Шунинг учун хамма доллер да саклайдида

МУНОСАБАТ БИЛДИРИШ

Сўнгги янгиликлар

Бош прокуратура қолипли нон нархининг ошиши юзасидан расмий баёнот берди

Ўзбекистон Республикаси Бош прокуратураси қолипли нон нархининг ошиши юзасидан расмий баёнот берди. Қуйида матбуот...
Кеча, 18:39

Қарши туманлараро ҳакамлик суди раиси 3 500 доллар пора билан қўлга олинди

Қашқадарёда Қарши туманлараро ҳакамлик суди раиси Олим Қулмуродов (исм-фамилиялар ўзгартирилган) пора билан қўлга...
Кеча, 16:59

Бухорода ЙПХ ходимининг кўйлагини йиртиб, кўкрак нишони, рация ва жезелини тортиб олган фуқарога жазо тайинланди

Бухорода ЙПХ ходимига куч ишлатган фуқаро М.Ё.га жазо тайинланди. Бу ҳақда ЎзА хабар қилди. Жорий йил 7 август куни...
Кеча, 15:46

Фото: «Миллий тикланиш»ни судга беришлари мумкин

"Миллий тикланиш" партиясини судга беришлари мумкин. Бу ҳақда "Хабар.уз" хабар қилди. Бунга сабаб қилиб эса сиз юқорида...
Кеча, 14:39

Бағрикенг Ўзбекистон: Жиззахда лўли миллатига мансуб аҳолига янги уйлар берилди

Жиззах вилоятининг Пахтакор туманида яшайдиган лўли миллатига мансуб аҳолига янги уй-жойлар берилди. Бу ҳақда ЎзА хабар...
Кеча, 12:34
/ Муҳокамалар +1