Тошкентда жойлашган "Чорсу" меҳмонхонаси сотилди. Бу ҳақда "Дарё" "Спот" маълумотига таяниб хабар қилди.
Маълум бўлишича, меҳмонхона штаб-квартираси БААда жойлашган Ittihad International Investment LLC компаниясига 16.9 миллиард сўмга сотилган. «E-ijro auksion» да бўлиб ўтган 10 соатлик аукционда айнан ўша компания ғолиб бўлган.
Меҳмонхонани сотиб олишда икки йил ичида камида 25 миллион доллар пул тикилиши ва 150 та янги иш ўринлари яратилиши кераклиги, меҳмонхона камида уч юлдузлига айланиши лозимлиги айтилган. Шу билан бирга унинг янги эгаси 10 йил давомида бинони меҳмонхона сифатида фойдаланиши шартлиги ва умумий майдоннинг 50 фоизидан ошмаган ҳудудда бизнес-марказ хизматларини кўрсатишга рухсат бериши керак.
Эслатиб ўтамиз, аввалроқ 12 йил давомида бўш ётган бинони туркиялик инвесторлар олиб, уни реконструкция қилиш ишида Тошкент шаҳар ҳокимлигини айблаган эди.
