Марказий банк раҳбари блогер davletov’га интервью берди. Интераью давомида Мамаризо Нурмуратов Ўзбекистон валютани қаердан сотиб олаётганини маълум қилди.
МБ раҳбари аслида бундай маълумот айтилмасада, лекин блогерга бу ҳақда айтишга қарор қилган. Нурмуратов нақд валюта билан муаммо бўлмаслигини таъкидлаб, Нью-Йорк федераль резерв банки билан алоқалар ўрнатилганини маълум қилди. Аввал ҳамма банк валютани ўзлари олиб келган бўлса, бугунги кунда транспорт ҳаракати чекловлари ўрнатилгани сабаб МБ ушбу ишни амалга ошираётгани айтилди. “Агар қайсидир банкка валюта керак бўлса уни биздан олиши мумкин”, дейди МБ раҳбари.
Шунингдек, Нурмуратов яқинда 200 млн доллар нақд валюта олиб келингани ҳақида гапирди. Бу билан муаммо йўқлиги, агар зарурат туғилса ҳар ҳафта АҚШдан валюта сотиб олиниши мумкинлиги таъкидланди.
