Ўзбекистонда Аи-92 бензини янада арзонлашади. Бу ҳақда “Ўзбекнефтгаз” АЖ хабар қилди.
Маълум бўлишича, шу йил 15 май санасидан бошлаб ушбу маркали бензиннинг 1 литр нархи 5000 сўмдан сотилади.
Бу ҳолат ушбу маркали бензиннинг нархи йил бошидан бери 3-марта арзонлашаётганини англатади. Дастлаб бензиннинг нархи 6200 сўмдан 6000 сўмга, кейинчалик 6000 сўмдан 5500 сўмга арзонлашган эди.
Эслатиб ўтамиз, аввалроқ Аи-80 маркали бензин нархи 4000 сўм этиб белгиланган эди.
