Марказий банк пластик картанинг паролини билмасдан масофадан туриб, пул ечиб олувчи фирибгарлар ҳақида огоҳлантирди. МБ матбуот хизмати томонидан фирибгарликнинг янги тури ҳақида маълум қилинди.
Банк томонидан эълон қилинган ахборотда карта устидаги рақамлар бегона одамларга маълум бўлса бу хавф туғдирмаслиги айтилади. Лекин, агарда пластик карта устидаги рақамлар фирибгарларнинг қўлига тушиб қолса, бунда улар масофавий хизмат кўрсатиш тизимига карта рақамини киритади ва карта эгасининг рақамига келган махфий кодни сорашлари мумкинлиги маълум қилинди.
"Мисол учун, фирибгар ўзини банк ходими ёки турли акциялар ташкилотчиси сифатида телефонда таништириб, картага маълум миқдорда маблағ ўтказиб беришни таклиф қилган ҳолда, банк картаси эгасининг мобиль телефонига келган “тасдиқловчи код”ни сўраши мумкин. Бундай ҳолатда, ушбу кодни уларга зинҳор ошкор қилмаслик керак ҳамда мазкур шахслар ҳақида ички ишлар органларига хабар бериш лозим", - дейилади МБ ахборотида.
