Ўзбекистонда июль ойидан бошлаб Volkswagen автомобиллари сотила бошланади. Бу ҳақда «Ўзавтосаноат» матбуот хизмати хабар қилди.
Маълум бўлишича, Жиззахда 45 гектар майдонда заводнинг қурилиш ишлари якунланмоқда. Завод ва офиснинг асосий қисми бинолари битказилди ва фойдаланиш учун тайёр.
Шунингдек, шу йилнинг июль ойидан бошлаб Ўзбекистонда Volkswagen Caddy русумли автомобиллар савдоси бошланиши режалаштирилмоқда.
