Навоий ЭИЗда Ўзбекистон-Австриянинг “Navoiy – motors” қўшма корхонасини қуриш ишлари давом этмоқда. Ушбу корхонанинг умумий қиймати 12 млн долларни ташкил этмоқда.
Маълум қилинишича, Навоийда қурилаётган қўшма корхонада Хитойнинг “Oshan” бренди остида ишлаб чиқариладиган автомобиллар йиғилади ва ички бозорга чиқариб юборилади.
Корхона раҳбари Шерзод Мўминовнинг айтишича йил охирига қадар барча ишлар якунланиб, автомобилларни сотиш бошланади. Корхонада ишлаб чиқариладиган автомобиллар 13 минг доллардан 30 минг долларгача бўлган нархда сотилиши кутилмоқда.
Аввалроқ Жиззахда ишлаб чиқарилидган автомобиллар июль ойидан сотила бошланиши хабар қилинган эди.
