Аввалроқ Наманганда Президент Шавкат Мирзёиев иштирокида йиғилиш бўлган ҳақида ёзган эдик.
Президент матбуот хизматининг хабар қилишича йиғилишда аҳолини камбағалликдан чиқариш, иш билан таъминлаш, даромадларини кўпайтириш каби масалаларга тўхталиб ўтилган. Хусусан, биргина Намнганнинг ўзида тадбиркорликни ривожлантириш орқали муҳтож оилаларнинг 12 мингдан ортиқ ишсиз аъзоларини банд қилиш ва йил охирига қадар камбағал оилалар сафидан чиқариш масаласи кўтарилган.
Шунингдек, савдо ва хизмат кўрсатиш соҳасидаги 600 та тадбиркор фаолиятини тиклаш орқали 2 мингта ходим иш жойига қайтиши таъкидланган.
Мажлисда Наманганнинг костюм-шимлари Европадаги машҳур брендлар томонидан тан олинаётганига ҳам урғу берилган. Шу боис, йирик тўқимачилик корхоналарига ер ажратилиб, вилоятда пахтани чуқур қайта ишлаш ва тайёр маҳсулот ишлаб чиқаришга ўтилаётгани айтилди.
Президент пахта-тўқимачилик кластерлари ушбу эътиборга муносиб ҳаракат қилиши, кўпроқ даромад олиб, одамларни иш билан таъминлаши зарурлигини таъкидлади.
