Американинг The Boston Consulting Group (BCG) тадқиқот маркази барқарор иқтисодий ривожланиш индекси бўйича дунё мамлакатларининг 2018 йил учун рейтингини эълон қилди. Рейтингдан 152 давлат жой олди.
Мазкур рейтингда Ўзбекистон 101-ўринда қайд қилинди. Марказий Осиё давлатлари ичида Қозоғистон - 57-ўрин, Қирғизистон эса 95-ўринда қайд этилган. Тожикистон 108-поғонага жойлашган. Туркманистон мазкур рейтингга киритилмаган. Собиқ Иттифоқ давлатлари ичида эса Беларусь - 52, Россия 59, Украина - 67, Арманистон - 69, Озарбойжон - 71-поғонада қайд этилган.
Рейтингда Норвегия етакчилик қилмоқда, кейинги поғоналардан Швейцария ва Исландия жой олди. Шунингдек, дастлабки ўнликка Люксембург, Дания, Швеция, Сингапур, Финляндия, Австрия ҳамда Нидерландия мамлакатлари киритилган.
Рўйхатнинг сўнгги қисмидан Марказий Африка Республикаси, Чад, Яман, Ҳаити, Конго ДР, Судан, Нигерия, Мозамбик ва Покистон мамлакатлари ўрин олишган.
