USM Holdings’ акционери Алишер Усмонов Ўзбекистондаги лойиҳаларга 300-400 млн доллар атрофида пул сарфламоқчи. Бу ҳақида миллиардер Forbes’га интервью берди. Бу маблағлар Усмоновнинг “Арсенал” футбол клубини сотишдан кўрган фойда ҳисобига амалга оширилади.
Таъкидлаш керак, Усмонов “Арсеналнинг” 30 фоиз акциясини миллиардер Стэн Кронкега сотган эди. Ўша пайтда Кронке футбол клубнинг 67 % акциясига эгалик қилаётган эди. Бу ишни амалга ошириш учун миллиардерлар узоқ муддат музокараларни олиб борди. “У менга мен хоҳлаган нархни таклиф қилди. Агар мен унинг таклифига жавоб бермаганимда бизнес-этикага тўғри келмас эди”, – деди Усмонов.
Кронке билан келишув 550 млн фунт стерлингни ташкил қилди. Усмоновнинг айтишича, у “Арсенал”га “бор йўғи” 150 млн фунт стерлинг инвестиция киритган. Бундан кўринадики, миллиардер клубни сотиш орқали ўз пулларини 3 баравар кўпайтирган. Фойдасининг 100 млн долларини Тошкент ислом марказига сарфлади.
Усмонов яна 100 млн долларни Жаҳон банки билан бирга амалга ошририлётган қишлоқларни ривожлантиришга, яна 100 млн долларни эса “спорт-инвестицион лойиҳа”ларга сарфлашини ҳам таъкидлаб ўтди. А.Усмонов Forbes’га га берган интервюсида Россия ва Ўзбекистонда бизнес билан шуғулланиш нияти йўқлигини ва ўз маблағларини фақат ижтимоий соҳага йўналтиришини таъкидлаб ўтган.
