Инқирозга қарши курашиш жамғармасидан пандемияга қарши курашиш учун 6,5 трлн сўм ажратилган. Бу ҳақда Молия вазирлиги Давлат бюджети Бош бошқармаси бошлиғининг биринчи ўринбосари Шерзод Мухамедов маълум қилди.
Унинг айтишича, мамалкатда коронавирус билан касалланганларни даволаш, фуқароларни карантинда сақлаш ва тиббий жиҳозлар сотиб олиш учун ушбу маблағнинг 1 трлн сўми йўналтирилган.
Қурилиш ва реконструкция ишларига эса умумий маблағнинг 2,5 трлн сўми ажратилган. Шунингдек, ушбу ажратилган пулларнинг 640 млрд сўми эса аҳолини моддий жиҳатдан қўллаб-қувватлаш учун ажратилган.
Шу билан бирга иқтисодиёт тармоқларини қўллаб қувватлаш учун маблағнинг 2,3 трлн.сўми йўналтирилган. Бу пуллар шунингдек, пандемия даврида йирик саноат ҳамда хизмат кўрсатиш корхоналарида ишловчи ходимларни биринчи даражали тўловларини қоплаш учун ажратилган.
