Ўзбекистонда кундузги шаклда ўқийдиган талабалар учун контракт нархи пасайди. Бу ҳақда Олий таълим вазирлиги хабар қилди.
Маълум бўлишича, бугунги кундаги иқтисодий аҳволдан келиб чиқиб, талабаларга янги 2020-2021 йилги ўқув йили учун контракт тўлашда чегирма берилади. Унга кўра, эндиликда кундузги шаклда ўқийдиган барча талабаларга контрактнинг умумий нархидан 10 фоиз чегирма берилади.
Шу билан бирга, етим, чин етим, ногирон талабаларга ва ижтиомий муҳтож ҳамда “темир дафтар”га киритилган оилалаларнинг талаба фарзандлари учун контракт тўлашда ҳам манзилли ёрдам берилади. Бунда талабаларнинг ижтимоий ҳолатидан келиб чиқиб, 4 млн сўмгача молиявий ёрдам берилади. Қуролли Кучлари сафида муддатли ҳарбий хизматни ўтаган ва тўлов-контракт шаклида ўқиётганларга ҳам контракнинг 35 фоизи тўлаб берилади. Бундай талабаларнинг умумий сони 4 мингдан зиёд экани айтилмоқда.
Аввалроқ олий таълим вазири бу йил контракт нархи тушмаслиги ва кўтарилмаслигини айтган эди.
