Ўзбекистон президенти пойтахтдаги метрополитеннинг Юнусобод линиясида олиб борилган ишларни кўздан кечириш жараёнида “Туркистон” бекатигача поездда боргани ҳақида ёзган эдик. У ерда давлатимиз раҳбари фаҳрийлар, турли соҳа вакиллари билан суҳбатлашди.
Суҳбат давомида президент геология соҳасида эришилган ютуқлар билан ўртоқлашди.
“Нима учун математика, кимё, биологияга шунча пул бераяпман? Булар фундаментал билимлар, улар эртага ўз маҳсулини беради. Мана масалан, геология соҳаси. Бир йилда 20 та кон очиб, 70 тонна тилли топдик. Геология, унинг фани йўқ эди олдин”, – деди давлатимиз раҳбари.
