Ўзбекистонда пахта териш истагида бўлганларга 500 минг сўмгача тўланади. Бу ҳақда бандлик ва меҳнат муносабатлари вазири ўринбосари Баҳодир Умурзоқов маълум қилди.
Унинг сўзларига кўра, пахта термоқчи бўлганларга рўйхатдан ўтгандан сўнг, бирданига 500 минг сўм берилади. Отряд бошлиқлари эса 2 млн сўм олади. Умурзоқов ушбу ҳаражатлар учун молиявий база мавжудлигини таъкидади.
“Биз фуқароларни пахта теришга қўрқитиш йўли билан эмас, молиявий манфаатдорлик томондан жалб этишиз керак. Инсон ҳуқуқларини бузиш керак эмас”, – дейди вазир ўринбосари.
Таъкидлаш жоиз, ишчилар биринчи теримда пахтанинг килоси учун 1000 сўм, иккинчи теримда 1400 сўмдан олади.
