Аввалроқ Паркент туман ҳокимлиги Каптива автомашинасини сотиб олгани ҳақида ёзган эдик. Автомобиль 260 млн сўмга харид қилинган.
Автони сотиб олиш бўйича келишув эса 14 сентябрда якунланган. Минилган автомобилни сотиб олиш учун 269 млн сўм ажратилган бўлган.
Мавжуд маълумотларга кўра, автомобиль "MEGA KARER" МЧЖдан сотиб олинган. Ушбу фирманинг таъсисчилардан бири эса Паркент тумани ҳоимининг ўғлидир. Таъкидланишича, эркак автомобилни кейинги йилда пулини тўлаш шарти билан ҳокимиятга 2019 йилдаёқ бериб юборган.
Шунингдек, ҳокимият ўз навбатида 2019 йилда автомобиль сотиб олишни режалаштиргани, лекин маблағ етишмовчилиги сабаб Каптивани "MEGA KARER" МЧЖдан олиб тургани ҳам маълум қилинди. Тошкент вилояти ҳокимлиги матбуот хизмати раҳбарининг айтишича, ушбу келишувда ҳаммаси тўғри бўлган ва унда салбий нарсалар ҳақида ўйлашга ҳожат йўқ. Шунингдек, матбуот хизмати раҳбари машина олинган вақтда у янги бўлганини ҳам таъкидлади. Шу билан бирга, матбуот хизмати раҳбари томонидан тақдим этилган ахборотда Паркент тумани тоғли ҳудуд экани ва шу сабабдан ҳам у ерга Каптива керак бўлгани маълум қилинган.
