Ўзбекистонда орқа ойналарни тонировка қилиш нархи арзонлашди. Бу ҳақда ЎзА хабар қилди.
Маълум бўлишича, энидиликда жисмоний шахслар орқа ойналарини қорайтиргани учун йилига аввалгидек 2 млн 230 минг сўм эмас (БҲМнинг 10 баравари), балки 1 млн 115 минг сўм (БҲМнинг 5 баравари) тўлайди.
Лекин юридик шахслар аввалгидек БҲМнинг 10 баравари миқдорида тўлашда давом этади. Шу билан бирга, олд ойналарини қорайтириш нархи ҳам ўзгаришсиз қолди. Бу учун жисмоний ва юридик шахслар БҲМнинг 50 баравари (11 млн 150 минг сўм)ни тўлашда давом этади.
