Ўзбекистонда юридик ва жисмоний шахсларга ҳам валютани айирбошлаш учун шохобча очишга рухсат бериш таклиф этилди. Таклиф Менинг фикрим поратлига жойлаштирилди.
Таклиф муаллифи ҳозирги пандемия шароитида валюта айирбошлашда муаммолар юзага келаётганини таъкидлади. Шунингдек, айрим банкларда навбатларнинг кўплиги ва аксариятида банкка соат 16:00 дан сўнг кириб бўлмаслиги ҳамда дам олиш кунлари банкларда валюта айирбошлашнинг умуман иложи йўқлиги фуқароларга қийинчилик туғдираётгани қайд этилган.
Шундан келиб чиқиб, ҳудди хорижий давлатлар сингари, ишлаш вақти чегаралнмаган валюта айирбошлаш шохобчаларини очиш таклиф этилди. Бу ишларни юридик ва жисмоний шахсларга қўйиб бериш кераклиги таъкидланган.
