Ўзбекистонда банкларда доллар нархи ошгани маълум қилинди. Бу ҳақда EVERYDAY.UZ мухбири хабар қилди.
Маълум бўлишича, Ўзбекистонда 3 ноябрдан айрим банклар доллар нархини оширган. Банкларда доллар илк бор 10 410 сўмгача кўтарилган. Аксарият банкларда доллар 10 350 сўмдан сотиб олинаётган бўлса, 10 410 сўмдан сотилмоқда. Банкларда доллар сўнгги марта октябрь ойи бошида ошган эди. Шу пайтгача доллар 10 330 сўмдан сотиб олиниб, 10 390 сўмдан сотилаётган эди.
Эслатиб ўтамиз, кеча Марказий банк томонидан эълон қилинган янгиланган валюталар курсида доллар ошиб, евро ва рубль арзонлашгани маълум қилинган эди.
