Пиллачилик ва қоракўлчиликни ривожлантириш қўмитаси 1,5 млрд сўмга янги автомашиналар харид қилди. Бу бўйича маълумот давлат харидлари сайтида тақдим этилган.
Маълум бўлишича, қўмита Chevrolet Tahoe, иккита Malibu и Lacetti автомобилларини харид қилган. Шулардан, Tahoe – 795 млн сўмга, энг қиммат комплектациядаги Malibu 2 – 324,4 млн сўмга, яна битта Malibu 2 – 311,1 млн сўмга ва Lacetti — 115,6 сўмга харид қилинган.
Қўмита умумий ҳисобда ушбу автомобилларни сотиб олишга 1,5 млрд сўмдан кўпроқ пул ишлатган. Катта эҳтимол билан мазкур автолар хизмат машиналари сифатида олинган. Маълумот ўрнида, қўмита президент фармонига кўра 2020 йилнинг 2 сентябрида тузилган. 2021 йилги давлат бюджети лойиҳасига кўра қўмитага 12 млрд сўм ажратиш режалаштирилган. Қўмита раҳбари Баҳром Шарипов ҳисобланади.
