Кеча, 25 ноябрь куни давлатимиз раҳбари йиғилиш ўтказди. Унда нефть-газ кимё саноатидаги истиқболли лойиҳалар ҳолатига оид тақдимот ўтказилди ва президент Шавкат Мирзиёев улар билан танишди, дея хабар қилди президент матбуот хизмати.
Тақдимотда ушбу соҳа бўйича умумий қиймати 9 млрд долларлик 52 та лойиҳа белгилангани маълум қилинди. Шунингдек, ушбу лойиҳалар қандай амалга оширилаётгани, кимлар инвесторлик қилаётгани ҳақида ҳам маълумот берилди. Давлат раҳбари ушбу ишларни тезроқ ва сифатли малга ошириш бўйича кўрсатмалар берди.
Шунингдек, йиғилишда электр тармоқларидаги йўқтотишлар ва узилишларни камайтириш ҳамда соҳадаги корхоналарни молиявий барқарорлаштириш учун энергетика соҳасини рақамлаштириш ишларини тезлаштириш кераклигини таъкидлади.
