Андижон шаҳар халқ таълими бўлими ходимлари бюджетдан 34 млрд сўмни ўзлаштириб олгани маълум бўлди. Бу ҳақда Молия вазирлиги хабар қилди.
Маълум бўлишича, шаҳар халқ таълими бўлими томонидан амалга оширилаётган молиявий ҳаракатлар вазирликда шубҳа уйғотган. Шунинг натижасига кўра у ерда текшириш амалга оширилган. Шунга кўра, Халқ таълими бўлимининг 2018 йил 1 ноябридан 2020 йил 1 ноябрига қадар бўлган давр оралиғидаги барча молиявий ҳужжатлари текширилган. Натижада, ходимларга ҳисобланган ойлик маошларига нисбатан банкдан ортиқча 33,8 млрд сўм нақд кўринишидаги пуллар олиб чиқиб кетилгани ойдинлашган. Ушбу пуллар марказлашган бухгалтерия кассасига киритилмаган бўлган.
Ўзлаштирилган пуллар 2018 йилда 1 млрд сўмни, 2019 йилда 12,6 млрд сўмни, 2020 йилда 20,2 млрд сўмни ташкил қилган.
Ушбу ўрганиш натижаларига кўра йиғилган ҳужжатлар прокуратурага топширилган.
