Дунёда кам учрайдиган иссиқхонанинг бири Ўзбекистонда экани маълум қилинди. Бу ҳақда EVERYDAY.UZ мухбири хабар қилди.
Маълум бўлишича, бугун давлатимиз раҳбари Хоразм вилоятига борди. Президент ташриф давомида Хонқа туманидаги инновацион иссиқхонага борди. Ушбу иссихона «Red Star Oxus» МЧЖ томонидан қурилган. Унга 205 млрд сўм сарфанган. Ушбу иссиқхона ўзига хос усулда ишлайди. Унда Нидерландиянинг «Kubo» компаниясида ишлаб чиқарилган «Ultra clima» ноу-хау технологияси келтириб ўрнатилган. Бунинг афзаллиги шундаки, иссиқлик вентилятор ёрдамида ультра иқлим зонасига тортилади ва пластик қувурлар орқали керакли жойга эҳтиёж даражасида юборилади. Яъни, ҳарорат бутун иссиқхонага эмас, балки етиштирилаётган сабзавотнинг илдизига йўналтирилади. Бу эса ўз навбатида энергияни тежашга ёрдам беради.
Президент матбуот хизматининг маълум қилишича, бундай “бешинчи авлод” технологиясига эга иссиқхоналар дунёда 200 гектар атрофида. Шундан 7 гектари эса Ўзбекистонда экани таъкидланди.
