“Ўзбекистон темир йўллари” 2020 йилни 352 млрд сўм зарар билан якунлаётгани маълум бўлди. Бу бўйича маълумот коропоратив маълумотлар ягона портали томонидан тақдим этилди.
Компаниянинг соф даромади 8,1 трлн, ялпи даромад – 2,8 трлн, асосий фаолиятдан келадиган фойда – 2,1 трлн.ни ташкил этмоқда. Молиявий фаолият бўйича ҳаражат 2,9 трлн сўмни, валюта курсидаги фарқ сабабли юзага келган зарар 2,6 трлн сўмни ташкил этмоқда.
Компания 2019 йилни 850 млрд сўм соф фойда билан якунлаган эди. Лекин ўшанда умум иқтисодий фаолиятдан тушган фойда 912 млрд сўм бўлган, бу йил эса зарар – 352 млрд сўмни ташкил этмоқда.
Ушбу ҳолатга коронавирус пандемияси сабабли транспорт алоқаларининг тўхтатилгани асосий сабаб қилиб кўрсатилмоқда.
