Хабар қилганимиздек, кеча 16 декабрь куни давлат раҳбари Шавкат Мирзиёев раислигида бўлиб ўтган йиғилишда электр тармоқларидаги узилишлар кескин танқид қилинди.
Маълум бўлишича, йиғилишда мамлакатимизнинг қайси ҳудудларида электр энергиясидан энг кўп узилишлар содир бўлаётгани маълум қилинган.
Таҳлилларга кўра, бу бўйича “етакчи” ҳудуд Сурхондарё вилояти ҳисобланади. Мазкур вилоятда кунига 7 соатгача “свет” бўлмайди. Қашқадарёда – 6 соатгача, Фарғона ва Андижонда – 5 соатгача, Самарқандда – 3 соатгача, Бухорода – 2 соатгача электр энергиясидан узилиш ҳолатлари қайд этилган. Ушбу ҳолатга сўнгги вақтларда электр энергияга бўлган талабнинг кундан-кунга ошиб бориши сабаб қилиб кўрсатилди.
