Қорақалпоғистон Соғлиқни сақлаш вазири лавозимига тайинланишидан бир ой ўтиб Malibu-2 харид қилди. Бу ҳақда давлат харидлари сайтида маълум қилинган.
Маълум бўлишича, Мурод Қурбонов янги лавозимдаги ишини янги автомобиль сотиб олишдан бошлаган. У шу йилнинг 9 ноябрь куни вазир этиб тайинланган эди.
311 миллион 124 минг 67 сўмлик автомобилни сотиб олиш учун 11 декабрь куни шартнома имзоланган. Malibu-2 нима мақсадда сотиб олингани очиқланмаган. Шунингдек, сайт маълумотида келтирилишича, Қурилиш вазирлиги 16 декабр куни 324 миллион 450 минг сўмлик иккита Malibu-2 харид қилгани айтилмоқда. Вазирлар Маҳкамаси аппарати Хўжалик фаолияти бошқармаси Автохўжалиги эса 27 ноябрь куни Malibu-2 сотиб олиш бўйича келишувга эришган. Унинг нархи 311 млн 124 минг 64 сўм.
