Ўзбекистон Хўжандга газ етказиб беришни қайта йўлга қўйди. Бу ҳақда Спутник нашри хабар қилди.
Маълум бўлишича, Ўзбекистон қўшни Тожикистоннинг Хўжанд шаҳрига газ етказиб беришни қайта йўлга қўйди. Газни тақсимлаш билан "Сугдиенгаз" ва "Сомон Сугд" компаниялари шуғулланади. Айни вақтга қадар компания вакиллари 60 километрдан ошиқ газ қувурларини таъмирлашга эришган. Бу ишлар давом эттирилиши таъкидланди.
Хабар қилинишича, газ дастлаб корхоналарга етказиб берилади. Шаҳарда бугунги кунда 150 та саноат корхоналари фаолият юритмоқда. Ўзбекистон 2012 йилда газ етказиб беришни тўхтатгандан сўнг корхоналар электроэнергия ва кўмирлардан фойдаланишга ўтган.
Ташкилотлар 1 кубметр газ учун 2 сомони тўлаши белгилаб қўйилди.
"Сугдиенгаз" раҳбари Абдухаким Суфиевнинг таъкидлашича, кейинчалик газ босқичма-босқич аҳолига ҳам сотила бошланади.
