Ўзбекистонда ҳавонинг кескин совиб кетгани ўрик, гилос, бодом, узум ва бошқа меваларнинг ҳосилига зарар етказади. Бу ҳақда EastFruit таҳлилчилари маълум қилди.
Аналитикларнинг маълумотига кўра, мамлакатимизда ҳавонинг эрта исиб кетиши январь оҳири ва февраль ойлари бошида табиатнинг уйғонишига сабаб бўлди. Кўплаб мевали дарахтлар гуллади ва ҳосил беришга тайёрланаётган эди. Эндиликда ҳавонинг -12 даражагача совиб кетгани ҳосилнинг маълум қисмининг йўқотилишига сабаб бўлиши мумкин.
Аналитиклар фермерлар ўртасида вазиятни қандай баҳолаётгани юзасидан сўровнома ўтказди. Сўровномада Фарғона, Бухоро, Самарқанд ва Сурхондарё вилояти фермрелари қатнашди. Фермерларнинг фикрича, ҳавонинг кескин совиши ҳосилнинг 30 фоизидан 80 фоизигача йўқотилишига сабаб бўлиши мумкин. Таъкидлаш жоиз, юқорида қайд этилган ҳудудлар Ўзбекистоннинг 70 фоизини ҳосил билан таъминлайди.
