Оҳангаронда томорқадан самарали фойдаланаётганлар тажрибаси оммалаштирилди

Оҳангаронда томорқадан самарали фойдаланаётганлар тажрибаси оммалаштирилди
Шу кунларда Тошкент вилоятининг барча туманларида аҳоли томорқаларидан самарали фойдаланиш, эртаки экинларни экиш, қаровсиз ҳолга ташлаб қўйилган хонадонларни аниқлаб экин экишга кўмаклашиш каби ҳолатларни ўрганиш мақсадида Республика ишчи гуруҳи ўрганишлар олиб бормоқда.

Оҳангарон туманида аҳоли томорқаларидан самарали фодаланиш, очиқ ва ёпиқ майдонларда маҳсулот етиштириш мавзусида амалий семинар ўтказилди.

Унда Олий Мажлис қонунчилик палатаси спикери ўринбосари, Ўзбекистон Фермер, деҳқон хўжаликлари ва томорқа ер эгалари кенгаши раиси Актам Ҳаитов, туман ҳокими, ҳудуддаги 16 та маҳалла фуқаролар йиғини раислари ва томорқа бўйича ўринбосарлари, аграр соҳа мутахассислари, ишсиз хотин-қизлар ва ёшлар қатнашди.

Ялпоқтепа маҳалласида яшовчи Лочинбек Умаров ҳовлисида 3 сотих иссиқхона ташкил қилган бўлиб, бир йилда 4 мартагача ҳосил оляпти. Хонадон соҳиблари иссиқхонада кўкат етиштириш билан шуғулланади. Яна қўшимча 2 сотихли иссиқхона қуриб киви етиштирмоқчи.

Семинарда бу амалий ишларни барча МФЙларда оммалаштириш, "Темир дафтар" даги оилаларни жалб этиш ҳақида тавсиялар ҳам берилди.

Айни пайтда ушбу маҳаллада 626 та хонадон, 2950 нафар оилалар истиқомат қилиб келади. “Темир дафтар”га 16 нафар, “Аёллар дафтари”га 19 нафар, “Ёшлар дафтари”га 45 нафар фуқарорлар рўйхатга олинган бўлиб, уларнинг ҳар бири билан мулоқотда бўлмоқда. Ишчи гуруҳ вакиллари мазкур ишсиз фуқароларни ўз хонадонларида иссиқхоналар қуриб бериш орқали оилавий даромадларини ошириш лозимлиги борасида кўрсатма берилди. Бу борада Ўзбекистон Фермер, деҳқон хўжаликлари ва томорқа ер эгалари кенгаши ҳузуридаги Жамғарма имтиёзли кредитлар ва субсиядалар ажратиш орқали кўмак кўрсатишини билдирди.

Семинарда "Томорқа хизмати" МЧЖ томонидан кўрсатиладиган хизматлар, етиштирилган маҳсулотларни сотиш билан боғлиқ саволларга батафсил жавоб берилди.

Ушбу туманда “Dry garden” томорқа хизмати МЧЖ фаолияти йўлга қўйилган бўлиб, ҳозирда маҳаллалардаги аҳоли томорқаларига қизил қалампир уруғи ва кўчатларни етказиб бериш билан шуғулланиб келмоқда.

- Фаолиятимизни 2020 йилда бошлаган эдик, - дейди МЧЖ раҳбари Аброр Ҳошимов. – Бизнинг тасарруфимизда 20 гектар экин экишга мўлжалланган ер бўлиб, шундан 0,5 гектарига иссиқхона ташкил қилганмиз. Туркия давлатидан қизил қалампири уруғини сотиб олиб, ўзимизга ҳосилини етиштирамиз ва олинган маҳсулотларимизни қуритилган ҳолда яна ўша давлатга экспорт қиламиз. Шу кунга қадар минг тоннадан иборат 1 милн. долларлик маҳсулот четга экспорт қилинди. Бундан ташқари маҳсулотларимизни ўзимизнинг маҳаллий аҳолимизга ҳам етказиб беряпмиз. Аҳоли томорқаларида экин экишдан тортиб маҳсулотларни бозорини топишгача бўлган жараёнда ҳам хизмат кўрсатиб келамиз. Ўтган йилнинг ўзида 350 та фермер хўжаликларига ва 2 мингга яқин хонадонларга уруғ ва кўчат етказиб бердик.

Семинардан сўнг ишчи гуруҳ вакиллари ушбу маҳаллада қаровсиз ташлаб қўйилган томорқаларни аниқлаб, уларга амалий ёрдамлар кўрсатди.

Ялпоқтепа маҳалласида истиқомат қилиб келаётган Феруза Арслонова хонадони кўздан кечирилганда томорқа ўз ҳолига ташлаб қўйилгани гувоҳи бўлишди.

Спикер ўринбосари ушбу хонадон соҳибаси билан суҳбатлашганда турмуш ўртоғи вафот этганлиги, ёлғиз фарзанди билан кун кечириб келаётганлиги, томорқасига ишлов беришга имконияти йўқлигини айтди. Шу жойнинг ўзида мотокультиватор билан хонадоннинг томорқасига ишлов берилди ва экин экишга кўмаклашилди.

Ишчи гуруҳнинг ўрганишлари давом этмоқда.

Ўхшаш янгиликлар

Сўнгги янгиликлар

Избосканда “Қизил китоб”га киритилган қушни сотмоқчи бўлган йигит жазоланди

Андижон вилояти Избоскан туманида яшовчи 22 ёшли йигит жазоланди. Бу ҳақда EVERYDAY.UZ мухбири хабар қилди. Маълум бўлишича, йигит Андижон...
Кеча, 12:29

Видео: Андижонда Спарк ҳайдовчиси ЙПХ ходимини капотида “сайр қилдирди”

Ижимоий тармоқларда Спарк ҳайдовчисининг машинани ЙПХ ходимининг устига ҳайдагани акс этган видео тарқалди. Видео телеграм каналларда эълон...
Кеча, 12:05

“Купальник”даги Лола танқид қилинди

Ижтимоий тармоқларда хонанда Лоланинг чўмилиш кийимидаги сурати муҳокама қилинмоқда. Бу ҳақда EVERYDAY.UZ мухбири хабар қилди....
Кеча, 11:38

Видео: Бектемир Мелиқўзиев кучли зарбани ўтказиб юбориб, нокаутга учради

Ўзбекистонлик боксчи Бектемир Мелиқўзиев ўзининг навбатдаги жангида кучла зарба ўтказиб юбориб, нокаутга учради. Бу ҳақда EVERYDAY.UZ...
Кеча, 11:28

Андижонда экилган арчалар Президент кетгандан сўнг қайта кавлаб олиндими? Ҳокимлик изоҳ берди

Кеча ижтимоий тармоқларда Андижон вилоятида олинган видео тарқалди. Видео телеграм каналларда эълон қилинди. Унда йўл четига экилган...
Кеча, 11:19
1
Ўзбекистон янгиликлари » Иқтисодиёт » Оҳангаронда томорқадан самарали фойдаланаётганлар тажрибаси оммалаштирилди