Ўзбекистонда яқин даврда асосий озиқ-овқат нархлари кескин ошади. Бу ҳақда Марказий банк Бошқарувининг навбатдаги йиғилишида маълум қилинди.
Хабар қилинишича, нарх ошишига қуйидаги омиллар сабаб қилиб кўрсатилган. Хусусан, ҳосилдорликнинг кам бўлганлиги ва айрим давлатлар томонидан озиқ-овқат маҳсулотлари экспортига нисбатан киритилаётган чекловлар таъсирида ташқи бозорлардаги нархларнинг ўсиши, иккинчи томондан, ушбу маҳсулотларни импорт қилишда концентрация даражаси ва ички ишлаб чиқаришда таннарх харажатларининг нисбатан юқорилиги сабаб бўлиши таъкидланди.
Шунингдек, ўтган яқин давр ичида бирламчи аҳамиятга эга бўлган асосий истеъмол товарлари нархларининг юқори даражада ошишига ташқи бозорларда ҳосилдорлик ва логистика билан боғлиқ сабаблар таъсирида юзага келган коньюнктура ҳамда ички бозорлардаги рақобат шароитлари ва ишлаб чиқариш ҳажмининг чекланганлиги сабаб бўлган.
