Бухорода Жамғарма ҳисобидан “Томорқа хизмати” МЧЖ негизидаги 6 та кластерга 28 млрд сўм маблағ ажратилади

Бухорода Жамғарма ҳисобидан “Томорқа хизмати” МЧЖ негизидаги 6 та кластерга 28 млрд сўм маблағ ажратилади
Аввал хабар берганимиздек, Олий Мажлис Қонунчилик палатаси Спикер ўринбосари, O’zLiDeP фракцияси раҳбари А. Хаитов Бухоро вилоятида бўлиб, қатор тадбиркорлик субъектлари, кластерлар, иссиқхоналар фаолияти билан танишмоқда.

Партия етакчиси вилоятнинг Жондор тумани, Самунчуқ МФЙ ҳудудида жойлашган “Жондор томорқа хизмат агро таъминоти кластери”да ҳам бўлиб, бу ерда қилинаётган ишлар билан танишди. Кластер раҳбари Жаббор Ортиқовга фаолиятини янада ривожлантириши учун ўз тавсияларини айтди. Бундан ташқари, Актам Хаитов вилоятдаги томорқа хизмати раҳбарлари билан суҳбатлашиб, уларнинг муаммо ва камчиликларини ўрганди. Келгусида қилишлари зарур бўлган ишларни ўз вақтида бажаришлари бўйича бир қатор топшириқлар берди. Шунингдек, кластернинг афзаллиги борасидаги ўз фикр-мулоҳазаларини билдирди.

Таъкидландики, вилоятда 2018–2021 йилларда Кенгаш ҳузуридаги фермер, деҳқон хўжаликлари ва томорқа ер эгаларини қўллаб-қувватлаш жамғармаси ҳисобидан 27 млрд сўм ресурс ажратилиб, 1200 та хонадонга “Томорқа хизмати” масъулияти чекланган жамиятлари томонидан иссиқхона, паррандачилик, асаларичилик, қуёнчилик, уруғ ва кўчатчилик, дала дўконлари қуриш ҳамда сув таъминоти оғир бўлган ҳудудларда артезиан қудуқ қазиш ва бошқа лойиҳалар учун имтиёзли кредитлар расмийлаштириб берилди.

2021 йилнинг биринчи чорагида Фермер, деҳқон хўжаликлари ва томорқа ер эгалари кенгаши ҳузуридаги Жамғарма маблағлари ҳисобидан фермер, деҳқон хўжаликлари ва томорқа ер эгаларига, “Томорқа хизмати” МЧЖларини молиявий жиҳатдан қўллаб-қувватлаш учун жами 2,800 млн. сўм пул маблағлари ажратилган. Давлатимиз раҳбарининг Бухоро вилоятига ташрифи давомида вилоятни комплекс ижтимоий-иқтисодий ривожлантиришда мавжуд муаммолар ва уларни ҳал этиш юзасидан амалга оширилиши зарур бўлган чора-тадбирлар белгилаб олинганди. Шу мақсадда вилоятда аҳоли томорқаларида кўкат, пиёз, саримсоқпиёз ва сердаромад сабзавот экинларини экиш ва аҳоли даромадини ошириш бўйича чора-тадбирлар дастури Ўзбекистон фермер, деҳқон хўжаликлари ва томорқа ер эгалари кенгаши раиси ҳамда вилоят ҳокимлиги томонидан келишилган ҳолда тасдиқланиб, шу асосда ишлар амалга ошириб келинмоқда. Вилоятда “Томорқа хизмати” масъулияти чекланган жамиятлари негизидаги 6 та кластерга 28 млрд сўм фермер, деҳқон хўжаликлари ва томорқа ер эгаларини қўллаб-қувватлаш жамғармаси маблағларидан ажратилиши режалаштирилган. Бу кластерлар аҳоли томорқасида маҳсулот етиштириш учун уруғлик, кўчатлар етказиб беришдан бошлаб, етиштирилган маҳсулотни харид қилиш ва ундан якуний маҳсулот ишлаб чиқаришгача бўлган тўлиқ жараённи ўз ичига қамраб олган ишлаб чиқариш корхоналаридир. Ишлаб чиқаришнинг бундай тўлиқ кўламда ташкил қилиниши орқали янги иш ўринлари ҳам яратилмоқда.

Бундан ташқари, кластер ҳузурида бир неча турдаги омборхоналар ва мева-сабзавотлар сақлашга мўлжалланган музлатгичларни ҳам қуриш ишлари давом этмоқда. Бу ерда бугунги кунда 600 тонна маҳсулот сиғимига эга музлатгич қуриб битказилган ва олма, узум, қовун ва бошқа шу турдаги маҳсулотлар сақланмоқда. Кластер маҳсулотни ўзи ишлаб чиқаради, қайта ишлайди ва шу ердан мижозларга экспорт қилади. Бу ҳудудда жами талаб этиладиган маблағ 9 млрд 530 млн. сўм, шундан 8 млрд 80 млн. сўм жамғарма маблағи, 1 млрд 450 млн. сўм ўз маблағидан режалаштирилган.

O’zLiDeP Бухоро вилоят Кенгаши
Матбуот хизмати

Ўхшаш янгиликлар

Сўнгги янгиликлар

Избосканда “Қизил китоб”га киритилган қушни сотмоқчи бўлган йигит жазоланди

Андижон вилояти Избоскан туманида яшовчи 22 ёшли йигит жазоланди. Бу ҳақда EVERYDAY.UZ мухбири хабар қилди. Маълум бўлишича, йигит Андижон...
Бугун, 12:29

Видео: Андижонда Спарк ҳайдовчиси ЙПХ ходимини капотида “сайр қилдирди”

Ижимоий тармоқларда Спарк ҳайдовчисининг машинани ЙПХ ходимининг устига ҳайдагани акс этган видео тарқалди. Видео телеграм каналларда эълон...
Бугун, 12:05

“Купальник”даги Лола танқид қилинди

Ижтимоий тармоқларда хонанда Лоланинг чўмилиш кийимидаги сурати муҳокама қилинмоқда. Бу ҳақда EVERYDAY.UZ мухбири хабар қилди....
Бугун, 11:38

Видео: Бектемир Мелиқўзиев кучли зарбани ўтказиб юбориб, нокаутга учради

Ўзбекистонлик боксчи Бектемир Мелиқўзиев ўзининг навбатдаги жангида кучла зарба ўтказиб юбориб, нокаутга учради. Бу ҳақда EVERYDAY.UZ...
Бугун, 11:28

Андижонда экилган арчалар Президент кетгандан сўнг қайта кавлаб олиндими? Ҳокимлик изоҳ берди

Кеча ижтимоий тармоқларда Андижон вилоятида олинган видео тарқалди. Видео телеграм каналларда эълон қилинди. Унда йўл четига экилган...
Бугун, 11:19
1
Ўзбекистон янгиликлари » Иқтисодиёт » Бухорода Жамғарма ҳисобидан “Томорқа хизмати” МЧЖ негизидаги 6 та кластерга 28 млрд сўм маблағ ажратилади