Ижтимоий тармоқларда фуқаролар автомобиль сотиб олиш учун сунъий равишда навбатлар ташкил этилаётгани ҳақида ёзишмоқда. UzAuto Motors компанияси бу юзасидан изоҳ берди.
Тармоқларда аҳоли Ласетти олиш учун 20 мингта навбат, Кобальт учун 6,3 мингта навбат ва Спарк учун 1,6 мингта навбат кутиш керак бўлаётганини ёзмоқда. Компания навбатлар бутун дунёда автомобилсозлик соҳаси яхши даврни бошдан ўтказмаётганлиги учун юзага келганини таъкидлади. Компания маълумотига кўра, соҳада яримўтказгич ва микрочипларнинг глобал танқислиги кузатилмоқда.
UzAuto Motors сунъий навбат ташкил этилаётганига гувоҳ бўлган фуқаролардан 78 141 77 77 ёки Бош прокуратуранинг 1007 рақамларига қўнғироқ қилишни сўрамоқда.
