Ўзбекистоннинг умумий ташқи қарзи қарийб 36 млрд долларга етди

Ўзбекистоннинг умумий ташқи қарзи қарийб 36 млрд долларга етди
Марказий банк маълумотларига кўра, Ўзбекистон умумий ташқи қарзи жорий йилнинг бошига нисбатан
6 фоизга ёки 2 млрд долларга ошган ҳолда, 35,9 млрд долларни ташкил қилди.

Қайд этилишича, 2021 йилнинг I ярим йиллигида янги қарздорликларнинг жалб қилиниши ва асосий қарз тўловлари амалга оширилиши ҳамда курслар ўзгариши ҳисобига 22 млрд долларни ташкил қилди. Хусусан, жаҳон бозорида Ўзбекистоннинг халқаро облигациялари нархларининг тушиши оқибатида давлат ташқи қарзи 3 фоизга ёки 627,9 млн долларга ошди.

Шунингдек, 1 июль ҳолатига кўра, хусусий ташқи қарз 11 фоизга ёки 1,4 млрд долларга ошди. Ушбу ўсиш асосан банклар ва бошқа секторлар ҳиссасига тўғри келади.

Жорий йилнинг II чорагида «UZAUTO MOTORS» АЖ томонидан қиймати 300 млн доллар ҳамда 785 млрд сўм миқдоридаги қимматли қоғозларни 4,85 фоиз ставкаси билан 5 йиллик муддатга халқаро молия бозорига жойлаштирган. Бунинг оқибатида бошқа секторлар қарз таркиби ўтган йилга нисбатан сезиларли ўсган.

Ялпи ташқи қарзнинг 83 фоизини ёки 32,4 млрд долларини кредитлар ва қарзлар ташкил этади. Умумий ташқи қарзнинг ЯИМга нисбати эса 57 фоизни ташкил қилди.

Шунингдек, I ярим йилликда жами 4,4 млрд долларига тенг қарз жалб қилинган. Ушбу қарзнинг 1,2 млрд доллари давлат секторига тўғри келган бўлса, 3,2 млрд доллари хусусий сектор томонидан жалб қилинган.

Асосий қарз ва фоизлар бўйича тўловларнинг энг катта қисмини банклар, нефт-газ, энергетика ҳамда бошқа сектор корхоналари тўлаб келаётгани келтириб ўтилган.

Давлат ташқи қарз бўйича 353,4 млн доллар миқдордаги асосий қарз ва 206,5 млн доллар миқдордаги фоиз тўловлари амалга оширилган. Хусусий ташқи қарз тўловлари эса асосий қарз бўйича 1,6 млрд доллар, фоиз тўловлари бўйича 238,8 млн доллар миқдорида тўланган.

Ўхшаш янгиликлар

  1. Реалист 24 сентябр 2021 17:52
    Шунча пул худди қумга қуйилган сувдек йўқолиб кетди.
    На экономика,на қишлоқ хўжалиги ривожланди.
    Қарзни узиш бўлса қашшоқ халқ бўйнида.Яна солиқлар оширилади,махсулотлар қимматлашади.
    Бу кетишда бизда хеч қачон ривожланиш бўлмайди,афсус,
    болаларимизга қарздорликни мерос қолдирамиз.
    Мен хеч қайси номзодга овоз бермайман,лекин сайлов варақасини бузгани бораман.
  2. Мард 24 сентябр 2021 15:04
    Яшанглар Давлат фойда килептими езароар.гунча соликлар каерга кетмокда?!?
Мақола бўйича муносабатингизни билдиринг. Бизга Сизнинг фикрингиз жуда муҳим. Раҳмат!

Сўнгги янгиликлар

Шавкат Мирзиёев нима учун Жаҳонгир Ортиқхўжаев Тошкент шаҳри ҳокими этиб тайинланганини айтди

Шавкат Мирзиёев Тошкентда сайловчилар билан учрашув давомида пойтахт ҳокими ҳақида гапирди. Бу ҳақда EVERYDAY.UZ мухбири хабар қилди....
Бугун, 20:42

Россияда ўзбекистонлик 19 ёшли йигит «BMW»да полиция ходимини уриб юборди

Россиянинг Қозон шаҳрида 19 ёшли йигит «BMW»да полиция ходимини уриб юборди. Бу ҳақда Россия ОАВсида хабарлар тарқалди. Маълум бўлишича,...
Бугун, 20:35

Тошкентда банкоматдан 400 млн сўмга яқин пулларни ўғирлаган бир гуруҳ йигитлар ушланди

Жорий йил 9 октябрдан 10 октябрга ўтар кечаси бир гуруҳ ёш йигитлар пойтахтдаги банкоматларнинг биридан 396.300.000 сўм пулларни ўғирлаган....
Бугун, 20:28

Тошкентда сўнгги 9 ой давомида содир этилган жиноятлар сони ҳақида маълумот берилди

Тошкентда жиноятлар сони ошди. Бу ҳақда EVERYDAY.UZ мухбири хабар қилди. Мавжуд маълумотларга кўра, пойтахтда 11 196та жиноят содир...
Бугун, 19:33

Қозоғистонда гипноз орқали фуқароларнинг пулини “шилган” 4 нафар ўзбекистонлик аёл ушланди

Қозоғистонда 4 нафар ўзбекистонлик аёл ушланди. Бу ҳақда Polisia нашри хабар қилди. Нашрнинг ёзишича, аёллар 17-18 октябрь кунлари Алматада...
Бугун, 18:49
Ўзбекистон янгиликлари » Иқтисодиёт » Ўзбекистоннинг умумий ташқи қарзи қарийб 36 млрд долларга етди