Яқин вақтлар ичида Ўзбекистонда автомобилларнинг янги иккита модели ишлаб чиқарилади. Бу ҳақда EVERYDAY.UZ мухбири хабар қилди.
Мавжуд маълумотларга кўра, 2022 йил сентябрь ойига қадар ишлаб чиқариш бошланади. Янги моделлар – янгиланган Tracker ва Onix бўлади.
Ушбу лойиҳани амалга ошириш учун 427 млн доллардан ортиқ пул ажратилади. Автомобиль заводи йилига ушбу моделларнинг 190 мингдан ортиғини ишлаб чиқаради. Бундан ташқари, янги автомобиллар учун UzAuto Motors Powertrain заводи 185 минг дона двигателлар ишлаб чиқаради. Ушбу лойиҳага 190 млн доллар йўналтирилади.
