Ўзбекистонда фуқаролар автомобилларни иккиламчи бозордан сотиб олиш ҳолати кўпайди. Бу ҳақда “Экономическое обозрение” журнали хабар қилди.
Журнал маълумотига кўра, октябрь ойида иккиламчи бозордна машина сотиб олиш янги автомобилларни харид қилиш кўрсаткичидан икки баравар кўп. Ўтган ойда иккиламчи бозорда 50 000дан ортиқ машиналар сотилган. Ушбу вақт давомида янги автомобиллардан 20 000таси сотилган.
Иккиламчи бозорга талаб янги автомобилларга навбат ошгандан сўнг кўпайди. Эслатиб ўтамиз, навбатлар микрочип танқислиги сабаб юзага келди. Танқислик эса бутун дунёда коронавирус пандемияси сабаб рўй берди.
