“UzAuto Motors” компанияси аҳолига мурожаат қилди. Мурожаат матни компания матбуот хизмати томонидан эълон қилинди.
Унда компания қийин вазиятда аҳолига мурожаат қилгани билдирилган. Таъкидланишича, компания жорий йил 20 декабрдан 2022 йилнинг 1 февралига қадар Nexia, Spark, Cobalt, Lacetti автомобилларига буюртма олишни тўхтатади. Компания ушбу вақт мобайнида аввал буюртма берганларга ўз вақтида автомобиль етказиб беришни мақсад қилганини билдирган.
Ушбу жараёнга дунё автомобиль саноатида кузатилаётган инқироз ҳам сабаб қилиб кўрсатилган. Компания келтирилган ноқулайликлар учун аҳолидан чин дилдан узр сўраган.
