Хабар қилганимиздек давлат раҳбари Олмалиқ шаҳрига ташриф буюрди. Маълум бўлишича, Президент айни вақтда фаоллар, маҳалла раислари ва ҳоким ёрдамчилари билан учрашув ўтказмоқда.
Шавкат Мирзиёев геология ишлари натижасида Олмалиқда 45 млн тонна мис захираси ва 5 минг тоннадан кўпроқ олтин захираси топилганини маълум қилди.
Президент бугунги кунда бутун дунёда танқис бўлиб турган яримўтказгичларга айнан мис кераклигини инобатга олиб, вилоят ҳокими Зоир Мирзаевга Жанубий Корея билан ҳамкорликда яримўтказгичлар ишлаб чиқарувчи завод қуриш ишларини ташкил қилиш бўйича топшириқ берди.
