Ўтган йили Ўзбекистонда вакцинация жараёнига қанча пул сарфлангани маълум бўлди. Бу ҳақда EVERYDAY.UZ мухбири хабар қилди.
Маълум бўлишча, бугун, 26 январь куни Олий Мажлис Қонунчилик палатасининг навбатдаги йиғилиши бўлиб ўтган ва унда Иқтисодий тараққиёт ва камбағалликни қисқартириш вазири Жамшид Қўчқоров иштирок этиб, Давлат дастури ижроси юзасидан ҳисобот берган.
Қўчқоров ҳисоботида 2021 йилда вакцинацияга давлат бюджетидан 224 миллион доллар маблағ ажратилганини маълум қилди.
