UzAuto Motors Spark автомобилларини ишлаб чиқариш тўхтатилиши ҳақидаги хабарларга муносабат билдирди

Аввалроқ Американинг General Motors компанияси Chevrolet Spark автомобиллари ишлаб чиқарилиши тўхтатилиши ҳақида хабар қилган эди. Компания 2022 йилда уни тўхтатишни маълум қилди.

Ушбу хабар тарқалгач кўплаб ўзбекистонликлар UzAuto Motors ҳам Chevrolet Spark ишлаб чиқаришни тўхтатди деган хулосага келди. Ўзбек компанияси ушбу хабарларга муносабат билдирди.

2022 йилда Chevrolet Spark ишлаб чиқаришни тўхтатиш режалаштирилмаган. Бундай хабарларга ишонмасликни сўраймиз, – дейилади автомобиль ишлаб чиқарувчи компания ахборотида.