Маълум бўлишича, Тараққиёт стратегияси ва Давлат дастури ижросини таъминлаш мақсадида партия вакиллари ва депутатлардан иборат ишчи гуруҳ тузилган. Қайд этилишча, айни вақтда ишчи гуруҳ вакиллари ушбу ишларнинг амалий натижасини ўрганиш мақсадида ҳудудларда фаолият юритмоқда.
Таъкидланишича, ишчи гуруҳ вакиллари рақамли иқтисодиётда амалга оширилаётган ишларни ўрганиш мақсадида тумандаги “Агробанк” АТБ, АТ “Халқ банки” ва “Микрокредитбанк” АТБ филиалларига борган. Маълум қилинишича, Агробанк АТБ филиали томонидан январ ойида 255та, феврал ойида эса 216 та онлайн кредитлар берилган, 11та HUMO ва Uzcard банкоматлари фаолияти йўлга қўйилган, Микрокредиктбанк филиали томонидан ҳам январ-феврал ойларида скоринг таҳлил орқали 80дан ортиқ микроқарз, истеъмол ва онлайн кредитлар берилган ҳамда 3та банкоматлар фаолият кўрсатиб турибди.
Шунингдек, ушбу тижорат банклари филиалларида электрон навбат тизими жорий этилмаганлиги аҳолига бир мунча ноқулайликлар туғдираётганлиги қайд этилди.
Бундан ташқари, туманда рақамли инфратузилмани янада ривожлантириш орқали барча аҳоли масканларини кенг полосали уланиш тармоқлари билан қамраб олиш ишлари ҳолати ҳам ўрганилди. Бугунги кунда туманда 292,2 км узунликда оптик толали алоқа линиялари тортилган, 5056та кенг полосали портлар ўрнатилган, 60та умумтаълим мактаблар, 60та МТМлар, 14та соғликни сақлаш муассасалари, 62 та МФЙлар юқори тезликдаги интернет тармоғига уланган.
