ОАВда ўзбекистонликлар Қозоғистонда ўғирлаб кетилгани ҳақида хабарлар тарқалган эди. Ўзбекистон Ташқи ишлар вазирлиги ушбу хабарларга изоҳ берди.
2019-йилнинг 25-апрел куни Қозоғистоннинг Атирау вилояти Полиция департаментининг Экстремизмга қарши кураш бошқармаси маълумотига таяниб ОАВда Атирау шаҳрининг ҳуқуқни муҳофаза қилиш идоралари томонидан бир гуруҳ шахслар қўлга олингани ҳақидаги ҳабар тарқалди. Ушбу гуруҳ 16-апрел куни Ўзбекистон фуқароси С.Й.ни ўғирлагани ва унинг дўсти Ўзбекистон фуқаросидан 300 минг тенге миқдоридаги пул олгани айтилмоқда.
Консуллик-ҳуқуқий департаменти ушбу вазият бўйича Ўзбекистоннинг Олмаота шаҳридаги Бош консулхонаси ҳодисани аниқлаштириш учун зарурий чоралар кўраётганлигини маълум қилади, - дейилади ТИВ изоҳида.
