Бугун, 3-март куни соат 11:00 да Наманган вилояти Учқўрғон туман ФВ бўлимига “Спарк” русумли автомобил ҳайдовчиси Учқўрғон-Қўғай йўналишида ҳаракатланиб кетаётган вақтида еҳтиёцизлик оқибатида бошқарувни йўқотиб, “Катта Магол” МФЙ ҳудудидан оқиб ўтувчи каналга тушиб кетганлиги тўғрисида хабар келиб тушган.
Шунга кўра, туман ФВ бўлими қутқарувчилари зудлик билан айтилган манзилга йетиб бориб, махсус техника ва асбоб-анжомлар ёрдамида автомобил каналдан чиқариб олинди.
Ҳодиса оқибатида тан жароҳати олган ва ҳалок бўлганлар йўқ.
