Сирдарёда чўкаётган қизни қутқарган йигитнинг ўзи ҳалок бўлди

2-05-2019, 10:21
Ҳодиса
Сирдарёда чўкаётган қизни қутқарган йигитнинг ўзи ҳалок бўлди
Сирдарё вилояти ички ишлар бошқармаси Гулистон шаҳар ИИБдан олинган хабарга кўра, жорий йилнинг 30 апрелида Жиззах вилояти, Зомин тумани «Бирлик» маҳалла фуқаролар йиғини, «Бирлик» кўчаси, 3-уйда яшаган Сардор Баҳодиров Гулистон шаҳри ҳудудидан оқиб ўтувчи «Дўстлик» канали қирғоқ бўйлаб кетаётганида чўкаётган қизга кўзи тушади.

С.Баҳодиров чўкаётган қизни қутқариш мақсадида зудлик билан сувга тушади ва унинг ҳаётини сақлаб қолади. Аммо сув совуқлигидан Сардорнинг томирлари тортишиб қолиб, ўзи сув тагига ғарқ бўлади.

– Экспертиза хулосасига кўра, 1999 йил Зомин туманида туғилган С.Боҳодиров «чўкиш оқибатида нафас йўлларининг сув билан беркилишидан юзага келган механик асфиксия» натижасида вафот этганлиги маълум бўлди, – дейди Гулистон шаҳар ИИБ бошлиғи, полковник З.Қаюмов. – Ҳолат юзасидан Гулистон шахар прокуратураси топшириғига асосан зудлик билан суриштирув ҳаракатлари бошлаб юборилди.

Қутқариб қолинган қиз вояга етмаган 2005 йилда туғилган Гулистон шаҳар 3-мавзе 8-уй 2-хонадонда яшовчи, 8-мактабнинг 8-«В» синф ўқувчиси Мадина Мухиддинова экани аниқланди.
Жабрланувчи Республика шошилинч тиббий ёрдам илмий маркази вилоят филиали жонлантириш бўлимига етказилди. Қизнинг жисмоний ҳолати нормаллашмоқда. Қизнинг нима сабабдан сувга тушганлиги сабаблари прокуратура ходимлари томонидан аниқланмоқда.

Бу бахтсиз ҳодиса – шаҳар ҳудудидан оқиб ўтувчи Дўстлик» каналида шу ҳудуднинг ўзида жорий йилнинг биргина апрель ойидаги бу иккинчисидир. Шаҳар маъмурлари бу каби фожиаларнинг олдини олиш мақсадида зудлик билан зарур чора-тадбирлар ишлаб чиқмаса, ҳаво ҳарорати кўтарилган сари бундай бахтсиз ҳодисаларнинг такрорланмаслигига ҳеч ким кафолат бера олмайди.

ЎзА
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Даврон 2 май 2019 23:08
Жойи жаннатан булсин омин якинларига тазия билдираман
Шоирахон 3 май 2019 15:15
Хакикий мард йигит эканлар оллох рахматига олган булсин .охиратлари обод булсин
Абдумалик 3 май 2019 20:32
Кисмат экан. Мархумни оллох рахмат айласин. Мусибатдошларига сабри жамил берсин. Карами кенг парвардигордан шу йигитни шахидлар каторида кетганлардан килишини сураймиз, Оллох буюк, оллох рахмдил, оллох мехрибон. Омин!
Шокир 3 май 2019 21:07
Жойи жаннатда болсин омин.
Бахромжон 4 май 2019 06:54
Эркаклар узбек халкида куп учрайди

МУНОСАБАТ БИЛДИРИШ

Сўнгги янгиликлар

Швейцария Гулнора Каримованинг «музлатилган» пулларидан 133 млн долларини Ўзбекистонга қайтаради

Швейцария бош прокуратураси 6 йил давом этган текширувлар якунида Ўзбекистон бозорига киришга ҳаракат қилган хорижий...
Кеча, 18:20
/ Муҳокамалар +1

ИИВ пенсия ёшидаги ўқитувчи аёлнинг калтаклангани бўйича маълумот берди

Ижтимоий тармоқларда Узун туманида пенсия ёшидаги ўқитувчи собиқ ўқувчилари томонидан калтаклангани ҳақида тарқаган...
Кеча, 17:20

АОКА раҳбарияти «Kurier» газетаси раҳбари билан учрашди (+фото)

Ахборот ва оммавий коммуникациялар агентлиги раҳбарияти «Kurier» газетаси раҳбари Гельмут Брандштаттер билан учрашди....
Кеча, 16:57

Наманганда мактаб томи ёниб кетди

Наманган вилоятининг Наманган шаҳрида ёнғин юз берди. Бу ҳақда EVERYDAY.UZ мухбири хабар қилди. Маълум бўлишича,...
Кеча, 16:46

Навоийлик эркакнинг 43 000 доллари ва 67 млн. сўмини қайнукаси ўғирлаб кетди

Навоийда эркакни қайнукаси тунаб кетди. Бу ҳақда EVERYDAY.UZ мухбири хабар қилди. Жорий йилнинг 22 июнь куни вақтинча...
Кеча, 16:39