Дастлабки тергов ҳужжатларига кўра, Н исмли шахс эҳтиётсизлик оқибатида транспорт воситалари ҳаракати ҳамда улардан фойдаланиш хавфсизлиги қоидаларини бузиб, баданга ўртача оғир шикаст етказилишига сабабчи бўлган йўл-транспорт ҳодисаси жиноятини қуйидагича содир этган
2023 йил 23 октябрь куни соат 16:20да, Н исмли шахс фуқаро МЧЖга тегишли “NEXIA 3” русумли автомашинани тегишли ҳужжатлар асосида бошқариб, Қибрай тумани, Ифтихор маҳалласи ҳудудидан ўтувчи “Тошкент-Чирчиқ-Чимён” автомобиль йўли бўйлаб, Тошкент шаҳри йўналиши томондан Чирчиқ шаҳри томонга ҳаракатланиб бориб, мазкур автомобиль йўлининг 18-километрида амалдаги “йўл ҳаракати Қоидалари”нинг 3-банди, 11-банди “г” кичик қисми, 77-банди ва 111-банди талабларини қўпол равишда бузиб эҳтиётсизлик ва ўз-ўзига ишониш оқибатида, бошқарувидаги автомашина йўналишига нисбатан қатнов қисмини тартибга солинган пиёдалар ўтиш жойи орқали ўнг томондан чап томонга кесиб ўтаётган пиёдалар Э ва Н ларни уриб юбориб, йўл-транспорт ҳодисаси содир этган.
Мазкур ҳолат юзасидан жиноят кодексининг 266-моддаси 1-қисми билан айб эълон қилиниб Жиноят ишлари бўйича Қибрай тумани судига юборилган.
Муроджон КАРИМБЕРДИЕВ,
Қибрай туман ИИБ тергов бўлими катта суриштирувчиси, майор
